حيرة: بقلم سيد جعيتم
حيرة
لا عارفلك مينا
ولا مرسى
يرتاح القلب
فيها ويرسي
غريب وحدي وبقاسي
وأنده يجيني
صدى صوتي
يقولي خلاص
بقى أنسي
من غير اسباب
تقول يا خصام
والله حرام
غدر الأحباب
لا بعت كلام
ولا حتى ملام
ومن غير انذار
اخدت قرار
انك تهجر
والهجر مرار
وانا متعلق
بحبال دايبه
ويمر اليوم
ووراه أيام
ولا طيفك
يبعت مرسال
يطمني ازاي الحال
وافضل سهران
وأتمنى انام
يمكن طيفك
يجي فى الاحلام
حبك وساكن
قلبي وكانن
جوه الضلوع
مركب وساير
بين البحور
ولا ليه قلوع
وسط الرياح
بين الضباب
عارف طريقه
ردي عليه
ولو بعتاب
عشان افهم
ليه الأحباب
كده نسيوني
وقفلوا الباب
ولا قالوا سماح
بقلم:
سيد جعيتم
جمهورية مصر العربية
تعليقات